ថ្ងៃអង្គារ ៩ រោច ដល់ថ្ងៃពុធ ១០ រោច ខែអាសាធ ឆ្នាំជូត ទោស័ក ពស. ២៥៦៤ ត្រូវនឹងថ្ងៃ ១៤ ដល់ ១៥ ខែកក្កដា ឆ្នាំ២០២០ គម្រោងបាឡែនស៍ (BALANCE) បានរៀបចំសិក្ខាសាលាលើកទី២ និងទី៣ ស្តីពី “ការរៀបចំប្រភពប្រាក់ចំណូលផ្សេងៗ និងសំណើរសុំមូលនិធិ” និង “ការរៀបចំផែនការហិរញ្ញវត្ថុ និងការផ្តល់ជូនធនធាន” ។ សិក្ខាសាលាទាំងពីរនេះត្រូវបានរៀបចំឡើងដោយគម្រោងបាឡែនស៍ (BALANCE) ដែលមានឈ្មោះថា រួមគ្នាឆ្ពោះទៅរកការគ្រប់គ្រងហិរញ្ញវត្ថុប្រកប ដោយចីរភាពនៅតាមសាកលវិទ្យាល័យកម្ពុជា ដែលបានគាំទ្រមូលនិធិដោយកម្មវិធី ERASMUS+ KA2-CBHE។